Breimstafettmedaljen

Breimstafettmedaljen vart oppretta og første gong utdelt i 1969. I statuttane for utdeling av heidersteiknet Breimstafett medaljen heiter det mellom anna. Breimstafettmedaljen er eit hedersteikn som skal tildelast til personar som aktivt og/eller administrativt har gjort ein særleg positiv innsats på og for Breimstafetten og helst også idrettslivet elles.

Heidersteiknet skal henge særs høgt, og det vil såleis berre vere eit fåtal personar som får utmerkinga. Ein skal ikkje binde utmerkinga til spesielle krav eller fastlåste normer, som tildømes eit visst tal startar i Breimstafetten, men slike personar vil naturleg nok få prioritering utan at kravet vert absolutt.

BREIMSTAFETTMEDALJEN 2024 ER TILDELT EIVIND ØYGARD

Årets vinnar av Breimstafettmedaljen er ein utøvar som framleis er aktiv og som held eit høgt nasjonalt nivå. Vinnaren har ei lang historie som deltakar i Breimstafetten, han har vore med kvart år samanhengande sidan 2002 – det blir altså 21 startar på rad ( For dei som ikkje får reknestykket til å gå opp, må vi minne om at det ikkje var stafett i «pandemiåra» 2020 -2021) Og ikkje nok med det, han deltok og fyrste året det var ministafett og har to deltakingar i opa klasse for andre lag enn moderklubben. Så her snakkar vi om ein røynd stafettdeltakar.

Resultata er det heller ikkje noko å sei på. Han har vore med å vunne stafetten 12 gangar i herreklassa og ein gang i guteklassa. Truleg den mestvinnande breimstafettutøvaren gjennom tidene.

Årets vinnar spring ikkje berre stafett, noko desse personlege rekordane er eit utrykk for:

1500 meter: 3:44
3000 meter: 8:04
5000 meter: 13:37
10000 meter: 28:46
Halvmaraton: 1:04:40

Alle desse resultata er krinsrekordar for senior. Resultata på 5000 m og 10000 m er topp 30 i Noreg gjennom alle tider. Og for dei av dokke som lurer på kor fort dette eigentleg er, så kan de tenkje at 10 000 meter er 25 rundar rundt Byrkjelo Stadion og deretter sjå føre dokke at de skal klare å springe dette på under 29 minutt. – Nokon av oss ville truleg ikkje klare 25 rundar, uansett tid.

Årets vinnar har og delteke i NM og har ein sølvmedalje i terrengløp og ein bronse i halvmaraton. Han har og delteke internasjonalt i terrengløp, både individuelt og på lag, mellom anna saman med nokre kjente brør med namnet Ingebrigtsen. I terrengløp har dette ført til deltaking både i Nordisk – og Europeisk meisterskap, med fleire gode plasseringar individuelt og fleire medaljar for lag.

I tillegg til å vere ein framifrå utøvar på høgt nivå, har årets prisvinnar og engasjert seg som trenar både i eigen klubb og i friidrettskrinsen. Han syner med dette at han tek ansvar for fellesskapet og er med og bidreg med kunnskap og engasjement for at enno fleire skal få del i gleda med å drive friidrett.

Ein verdig og velfortent mottakar av heidersteiknet Breimstafettmedaljen med diplom: Eivind Øygard

Breimstafettmedaljen har blitt tildelt:

2024 Eivind Øygard
2023 Reidar Moldestad
2022 Bjørn Per Sårheim
2019 Olav Oddvin Egge
2018 Magnar Holvik
2017 Sparebanken Sogn og Fjordane
2016 Asbjørn Gjerde
2015 Oddfrid og Rune Osa
2014 Kjell Steinset
2013 Nils Ove Roset
2012 Roger Aa Djupvik og Morten Aa Djupvik
2011 Jostein Årdal
2010 Inge Geir Sårheim
2009 Gunnar Hole, Knut Lunde
2008 Helge Hafsås
2007 Odd-Bjørn Hjelmeset
2006 Ingemar Sårheim
2005 Jan Otto Aa
2004 Jørund Årdal
2003 Johnny Solheimsnes
2002 Kjell Øygard
2001 Gloppen Janitsjar
1999 Magnus Willumsen
1998 Reidar Knut Nyland
1997 Arnfinn Grøneng
1996 Dag Fosstvedt
1995 Olav Lyslo
1994 Odd Skrede
1993 Svein Førde
1992 Magne Tystad
1991 Dagfinn Nyhammer
1990 Arnfinn Seim
1989 Hans Førde
1988 Helge Brekke
1987 Gunnar Hauge
1986 Arnulf Aa
1985 Else Karin Systad, Olav Fjærstad
1984 Knut O. Øygard
1983 Eivind Indrebø
1982 Magntor Herstad
1981 Håkon Fimland
1980 Harald Klakegg
1979 Håkon Lundestad
1978 Berent Sandene, Brynjulf Skinlo, Håkon Rivedal
1977 Samuel J. Førde, Sverre Førde
1976 Inger Hjelmeset
1975 Markvard Vik, Jonfinn Aske
1974 Arne Erdal, Jørgen M. Holme, Dag Heggheim
1973 Albert Bruland, Olav Sande
1972 Jon Sårheim, Kåre Nes, Rasmus O. Flølo
1971 Ola T Holme, Håkon Moldestad, Jostein Røyrvik
1970 Asbjørn Hansen, Jostein Joleik, Einar Stokkebø
1969 Karl Hove, Haldor Herstad, Anton G. Skarstein, Magne Stokkebø